Real Lewe Take 4

Real Lewe Take 4

By die gemeente se kleingroep (kategese):
Die jongmense het meer oor Johannes se Evangelie geleer en vanuit hierdie Evangelie oor geloof gepraat. Hulle het afgesluit deur 'n gebed van Charles de Foucauld saam te bid.

Ons dink baiekeer ons moet die iiefde van die Here verdien of lets slegs doen om dit te verloor. Het jy al ooit gevoel jy moet die Here se liefde verdien? Het jy al ooit gewonder of Hy jou regtig liefhet?

Lees saam: Johannes 4:43-54:

43   Ná die twee dae het Jesus daarvandaan na Galilea toe gegaan. 
44   Hy het self verklaar dat 'n profeet nie in sy eie land geëer word nie, 
45   maar toe Hy in Galilea kom, het die Galileërs Hom verwelkom. Hulle het alles gesien wat Hy gedurende die feesvierings in Jerusalem gedoen het, want hulle was self ook by die paasfees. 
46   Jesus het toe weer na Kana in Galilea toe gegaan, waar Hy die water wyn gemaak het. In Kapernaum was daar 'n sekere regeringsamptenaar wie se seun siek was. 
47   Toe hy hoor dat Jesus uit Judea na Galilea toe gekom het, het hy na Hom toe gegaan en Hom gevra om te kom en sy seun gesond te maak, want hy het op sterwe gelê. 
48   Jesus sê toe vir hom: “As julle nie tekens en wonders sien nie, glo julle eenvoudig nie.” 
49   En toe sê die amptenaar vir Hom: “Here, kom tog voordat my kindjie sterwe.” 
50   Maar Jesus sê vir hom: “Gaan maar huis toe, jou seun lewe.” Die man het geglo wat Jesus vir hom gesê het, en gegaan. 
51   Toe hy nog op pad was, het sy werksmense hom al tegemoet gegaan en vertel dat sy kind lewe. 
52   Hy vra hulle toe presies wanneer hy begin beter word het, en hulle antwoord hom: “Gistermiddag eenuur het die koors hom verlaat.” 
53   Die pa het toe besef dat dit op dieselfde oomblik was waarop Jesus vir hom gesê het: “Jou seun lewe.” En hy en sy hele huisgesin het tot geloof in Jesus gekom. 
54   Dit was die tweede wonderteken wat Jesus gedoen het nadat Hy weer uit Judea na Galilea toe gekom het.

Gesels saam:
1. Jesus het die amptenaar se seun gesond gemaak sonder dat die amptenaar iets hoef te gedoen het. Hy het nie geglo of sy sonde bely nie. Wat sê dit vir ons van Jesus?
2. Jesus het hierdie opmerking gemaak: "As julle nie tekens en wonders sien nie, glo julie eenvoudig nie" Wat leer ons oor mense deur hierdie woorde van Jesus?
3. Dink julle dit is waar dat mense eers antwoorde wil hê voordat hulle glo?

Leef met God se seën:
In Johannes 4:43-54 sien ons dat Jesus sy hand eerste uitgestrek het. Net so het God met jou doop sy hand eerste na jou toe uitgesteek. 'n Baba ontvang die doop sonder dat hy of sy iets hoef te doen, soos om te glo, te bely of selfs te verstaan. Ons ontvang God se genade en liefde verniet. En sy genade is groter as enige foute, sonde of besluite in ons lewe.
Voorstel: Vertel as ouers vir julle kinders van die dag toe hulle gedoop is. Wie was aimal daar? Wie het hulle gedoop? Waar is hulle gedoop? Watter klere het hulle aangehad? Kyk gerus na fotos of videos van daardie dag.