Real Lewe Take 4

Real Lewe Take 4

By die gemeente se kleingroep (kategese):
Die jongmense het gesels oor die dinge waaroor hulle passievol is en hoe hulle dit tot eer van die Here kan uitleef. Aan die einde het hulle twee-twee saam gebid en mekaar met 'n seengebed uitgestuur.

God roep ons elkeen om die wêreld 'n beter plek te maak. Dit is belangrik om jou lewe lank hierdie roeping te ontdek en te herontdek.

Lees saam: 2 Timotheus 1:6-14:

6   Om hierdie rede herinner ek jou daaraan dat jy die genadegawe wat God jou gegee het toe ek jou die hande opgelê het, soos 'n vuur weer moet aanblaas. 
7   Die Gees wat God ons gegee het, maak ons immers nie lafhartig nie, maar vul ons met krag en liefde en selfbeheersing. 
8   Jy moenie skaam wees om die boodskap van die Here te verkondig nie; en moet jou ook nie skaam vir my wat om sy ontwil 'n gevangene is nie. Inteendeel, dra jou deel van die ontberings vir die evangelie met die krag wat God jou gee. 
9   Hy het ons gered en ons geroep om aan Hom toegewy te wees. Dit het Hy gedoen, nie op grond van ons dade nie, maar op grond van sy eie besluit en die genade wat Hy van ewigheid af in Christus Jesus aan ons geskenk het. 
10   Hierdie genade is nou aan ons geopenbaar deur die koms van ons Verlosser, Christus Jesus: Hy het die mag van die dood gebreek en deur die evangelie die onverganklike lewe aan die lig gebring. 
11   Van hierdie evangelie het Hy my aangestel as prediker en apostel en leraar. 
12   Om dié rede ly ek ook hierdie dinge. Maar dit skrik my nie af nie, want ek weet op wie ek vertrou, en ek is daarvan oortuig dat Hy magtig is om wat Hy aan my toevertrou het, tot op die dag dat Hy weer kom, in stand te hou. 
13   Neem die woorde wat jy van my gehoor het, as voorbeeld van gesonde verkondiging en volg dit na in die geloof en liefde wat ons in Christus Jesus het. 
14   Wat aan jou toevertrou is, is goed. Bewaar dit deur die Heilige Gees wat in ons woon.

Gesels saam:
1. Wat val jou op van Paulus se passie vir sy roeping?
2. Hoe het Paulus dit reggekry om te volhard?
3. Ons dank baiekeer as ons 'n verskil wil maak, moet ons net betrokke raak by alles wat ons opgewonde maak. Maar dalk wil die Here ons ook gebruik om onreg, probleme of verliese wat ons ongemaklik of kwaad laat voel, reg te stel. Wat maak jou kwaad? Hoe kan jy daaraan 'n verskil maak?

Leef met God se seën:
Kyk saam na die Youtube-video "How to change the world (a work in progress)"
Watter passie het jy wat die wêreld 'n beter plek kan maak?