Real Lewe Take 4

Real Lewe Take 4

By die gemeente se kleingroep(kategese):
Die jongmense het oor ouerskap gesels en saam oor gesonde families gedink. Die jongmense het die "reëls" of waardes van die "huistafel" neergeskryf. Dit is reëls en waardes waarvolgens ons as gelowiges kan leef. Dink saam oor hoe julle "huistafel" in julie huis kan lyk. Plak dit êrens op waar julie dit gereeld sal sien.

Huishoudings verskil en families lyk nie almal dieselfde nie. Tog is die Here by elke huis teenwoordig.

Lees saam Kolossense 3:18-25:

18   Vrouens, wees aan julle mans onderdanig soos dit pas by mense wat in die Here glo. 
19   Mans, julle moet julle vrouens liefhê, moenie die lewe vir hulle bitter maak nie. 
20   Kinders, wees in alles aan julle ouers gehoorsaam, want die Here verlang dit van kinders wat in Hom glo. 
21   Vaders, moenie gedurig by julle kinders fout soek dat hulle moedeloos word nie. 
22   Slawe, wees in alles gehoorsaam aan julle eienaars hier op aarde. Moenie net werk om deur hulle raakgesien te word en so in mense se guns te kom nie, maar werk met 'n opregte hart uit eerbied vir die Here. 
23   Wat julle ook al doen, doen dit van harte soos vir die Here en nie vir mense nie, 
24   omdat julle weet dat julle van die Here as beloning sal kry wat Hy belowe het. Christus is die Here in wie se diens julle staan. 
25   Wie onreg doen, sal gestraf word oor die onreg wat hy gedoen het; die Here trek niemand voor nie.

Gesels saam:
1. Paulus gee hier riglyne vir die huisgesinne in sy samelewing. Die samelewing van vandag lyk bale anders; daarom kan ons hierdie riglyne nie presies so op ons families vandag toepas nie. Tog is daar sekere waardes wat steeds geld. Watter waardes dink julle geld vandag nog?
2. Watter ander belangrike waardes, wat nie hier genoem word nie. wil julie byvoeg?

Leef met God se seën:
Teken en/of skryf julle huisgesin se storie neer. Dink byvoorbeeld aan geboortedatums, plekke waar julle gewoon het, onvergeetlike vakansies, teleurstellings en hoogtepunte. Kyk na julle stone. Wat Is julle sterkpunte? Waaraan moet julle nog werk?