Real Lewe Take 4

Real Lewe Take 4

By die gemeente se kleingroep (kategese):
Die jongmense het oor ons vooroordele gesels. Hulle het 'n persoonlik brief geskryf oor dinge wat "balke" in hulle oë kan wees en waardeur hulle na mense en die wêreld kyk.

Ons kan maklik kwaad of jaloers raak oor die dinge wat ander het wat ons ook graag wil hê. Ons wil meer hê terwyl ons reeds soveel geleenthede, voorregte en besittings het. Gelowiges word daarom genooi om dit wat hulle het, en dit waarna hulle streef. tot eer van die Here en tot voordeel van ander te gebruik.

Lees saam: Mattheus 7:1-6 en :12

1   “Moenie oordeel nie, sodat oor julle nie geoordeel word nie; 
2   met dieselfde oordeel waarmee julle oor ander oordeel, sal oor julle geoordeel word, en met dieselfde maat waarmee julle vir ander meet, sal vir julle gemeet word. 
3   “Waarom sien jy die splinter raak wat in jou broer se oog is, maar die balk in jou eie oog merk jy nie op nie? 
4   Of hoe kan jy vir jou broer sê: ‘Wag, laat ek die splinter uit jou oog uithaal,’ en intussen is daar 'n balk in jou eie oog? 
5   Huigelaar! Haal eers die balk uit jou eie oog uit, dan sal jy goed kan sien om die splinter uit jou broer se oog uit te haal. 
6   “Moenie wat heilig is, vir die honde gooi nie: hulle sal omspring en julle verskeur; en moenie julle pêrels voor die varke gooi nie: hulle sal dit met hulle pote vertrap.” 

12   “Alles wat julle wil hê dat die mense aan julle moet doen, moet julle ook aan hulle doen. Dit is tog waarop dit neerkom in die wet en die profete.”

Gesels saam:
1. Wat bedoel Jesus met die vergelyking tussen die splinter en die balk?
2. Wat in julle huis kan 'n balk wees en julie verhoed om 'n mooi beeld te sien?

Leef met God se seën:
Beplan as huisgesin 'n aktiwiteit waardeur julie iets vir iemand in julle gemeenskap kan beteken.
Hou 'n dinkskrum hieroor. Dit kan enigiets wees van 'n telefoonoproep en kospakkies tot om iemand se huis te gaan skoonmaak.